وەزارەتی تەندروستی هەرێمی کوردستان 119 کەیسی نوێ و 9 حاڵەتی مردنی بە ڤایرۆسی کۆڕۆنا ڕاگەیاند

ekurd

وەزارەتی تەندروستی حکومەتی هەرێمی کوردستان، ڕۆژی سێشەممە، لە بەیاننامەیەکدا ڕایگەیاند، لە ماوەی 24 کاتژمێری ڕابردوودا 119 کەیسی نوێی ڤایرۆسی کۆرۆنا تۆمارکراوە.

بەپێی ڕاگەیەندراوی وەزارەت 43 حاڵەتی نوێ لەپارێزگای دهۆک و39 حاڵەت لەسلێمانی و36 حاڵەت لەهەولێر و 1 لەئیدارەی گەرمیان لە تێستی کۆرۆنا ئەرێنی دەرچوون.

لە ڕاگەیەندراوەکەدا ئەوەش هاتووە: 9 نەخۆش کە توشبوون بە ڤایرۆسی کرۆنا لە کوردستانی عێراق کە 5 یان لە هەولێر و 3 لە دهۆک و 1 نەخۆش لە گەرمیان گیانیان لەدەستداوە.

کوردستانی عێراق لە 26ی تەمووزی 2021دا بەرزترین ڕێژەی تۆمارکرد کە تەنها لەو بەروارەدا 3559 حاڵەتی توشبوون بە کۆرۆنا هەبوو، هەروەها لە هەرێمی کوردستان لە 26ی ئەیلولی 2020 و لە 21ی ئابی 2021دا بەرزترین ڕێژەی گیانلە دەستدانی کۆرۆنا ڤایروسی تۆمار کرد کە 33 حاڵەت بوو.

تا ئێستا و بەپێی وەزارەتی تەندروستی حکومەتی هەرێمی کوردستان 379 هەزار و 774 حاڵەتی کرۆنا ڤایرۆس لەکوردستانی عێراق تۆمارکراوە. کۆی گشتی 370,159 نەخۆش چاک بوونەوە و 7,069 کەس گیانیان لەدەستداوە.

لە مانگی ئازاری 2020 ڕێکخراوی تەندروستی جیهانی بڵاوبونەوەی ڤایرۆسی کۆرۆنای بە فەرمی ڕاگەیاند. ئاماری 20ی کانوونی یەکەم 2021، بە پێی ئامارەکان زیاتر لە 273,900,334 کەیسی کرۆنا ڤایرۆس لە جیهاندا هەیە، کە زیاتر لە 5,351,812 کەس گیانیان لە دەستدا، و تا 20ی کانوونی یەکەمی 2021، کۆی گشتی 8,387,658,165 ژەمە ڤاکسین لە سەرانسەری جیهاندا وەرگیراوە.